Masla E Ilm E Gaib Ke Mutallik Ahlesunnat Ka Aqida, Part 1-2

*Post-1*

Masla E Ilm E Gaib Ke Mutallik Ahlesunnat Ka Aqida,

►Khaliq Aur Makhlooq Ke Ilm Mai Barabari Nahi,

Ilm E Ilahi Aur Makhlooq Ke Ilm Ke Darmiyan Barabari Ka Shuba Kisi Musalman Ke Dil Wa Dimag Mai Nahi Aasakta Khaliq Aur Makhlooq Ke Ilm Ke Darmiyan Kai Wuzuhat Se Farq Hai Chunache,
Imam E Ahlesunnat Aalahazrat Shah Imam Ahmad Raza Khan Alehhirahmato Wa Rizwan Bayan Farmate Hai:-

►ALLAH Ka Ilm Zaati Hai,
» »Makhlooq Ka Ilm Ataai Hai.

►ALLAH Ka Ilm Us Ki Zaat Ke Liye Wajib Hai(Yani Wo Ilah Hai Jiski Zaat Hi Aesi Hai Ke Use Har Cheez Ka Ilm Hona Zaroori Hai,
»»Makhlooq Ka Ilm Us Ke Liye Mumkin Hai Yani Zaroori Nahi Ke Makhlooq Ko Har Har Cheez Ka Ilm Ho Mumkin Hai Ke Kisi Cheez Ka Ilm Ho Kisi Ka Na Ho.

►ALLAH Ka Ilm Azli,Qadeem,Haqiqi Hai(Yani Hamesha Hamesha Se Hai)
»»Makhlooq Ka Ilm Hadis Hai Is Liye Ke Tamam Makhlooq Hadis Hai Hamesha Se Nahi.

►ALLAH TALA Ka Ilm Makhlooq Nahi
»»Makhlooq Ka Ilm Bhi Makhlooq(Paida Kiya Gaya Hai)
>ALLAH TALA Ka Ilm Kisi Ke Zere Qudrat Nahi
»»Makhlooq Ka Ilm ALLAH TALA Ki Qudrat Mai,

►Ilm E Ilahi Kisi Tarah Badal Nahi Sakta
»»Makhlooq Ka Ilm Badal Sakta Hai

►Ilm E Ilahi Ka Hamesha Rahna Wajib Hai
»»Ilm E Makhlooq Ki Fana Mumkin

-Fhir Farmate Hai In Farko Ke Hote Huye Barabari Ka Wahem Na Karega Mager Wo Jis Per ALLAH TALA Ne Lanat Ki Aur Bahra Kar Diya Aur Un Ki Aankhe Phod Di.
[Ad-Daulatul Makkiya Safa.53]

►Imam E Ahlesunnat Alehhirrahma Fatawa Razwia Sharif Mai Farmate Hai:-
Bila Shuba Haq Yahi Hai Ke Tamam Ambiya Wa Mursaleen Alehhissalam Wa Malaika Muqarebeen Awwaleen Wa Akhireen Ke Mazmua Uloom Mil Kar Bhi Ilm E Bari Tala Se Wo Nisbat Nahi Rakh Sakte Jo Ik Boond Ke Karoradwe Hisse Ko Karoro Samundar Se Hai.
[Al Fatawa Razwia Jild.15 Safa.377]

►Mazeed Ik Maqam Par Imam E Ahlesunnat Alehhirrahma Farmate Hai:
Bila Shuba Jo Gair E Khuda Ko Be Aataye Ilahi Khud Wa Khud Ilm Mane Qatan Kafir Hai Aur Jo Us Ke Kufr Mai Tarddud Kare Wo Bhi Kafir
[Al Fatawa Razwia Jild.29 Safa.407] 

 *Post-2*
Masla E Ilm E Gaib Ke Mutalik Ahlesunnat Ka Aqida,

►Ilm E Gaib Ke Mutalik Aqida Aur Ilm E Gaib Ke Maratib Ke Bayan Mai,

►Ilm E Gaib Ki Teen Soortain Hai Un Ki Alhaida Alhaida Ahkam,(Khalis Ul Aiteqad Page.5)

►Qism Awwal:-
(1)ALLAH AJJAWAZAL Aalim Bizzat Hai Us Ke Bagair Bataye Koi Ek Harf Bhi Nahi Jan Sakta,
(2)Huzoor(Sallallahualehiwasallam) Aur Deegar Ambia E Kiram Ko Rab Tala Ne Apne Baaz Guyoob Ka Ilm Diya,
(3)Huzoor(Sallallahualehiwasallam) Ka Ilm Saari Khilqat Se Jyada Hai Hazrat Adam Wa Khaleel(Alehimussalam) Aur Malkulmaut Wa Shaitan Bhi Khilqat Hai, Ye Teen Batain Zaruraate Deen Mai Se Hai In Ka Inkar Kufr Hai.

►Qism Daum:-
(1) Aulia E Kiram Ko Bhi Bilawasta Ambia E Kiram Kuch Uloom E Gaib Milte Hai,
(2)ALLAH TALA Ne Huzoor(Sallallahualehiwasallam) Ko Panch Guyoob Mai Bahut Se Juziyat Ka Ilm Diya, Jo Is Qism Daum Ka Munkir Hai Wo Gumrah Aur Bad Mazhab Hai Ke Sadha Ahadees Ka Inkar Karta Hai,

►Qism Saum:-
(1) Huzoor(Sallallahualehiwasallam) Ko Qayamat Ka Ilm Mila Ke Qab Hogi,
(2) Tamam Guzista Aur Aainda Waqiyat Jo Loh Mahfooz Mai Hai Un Ka Balke Un Se Bhi Jyada Ka Ilm Diya Gaya.
(3)Huzoor (Sallallahualehiwasallam) Ko Haqiqat E Rooh Aur Quran Ke Sare Mutasabehat Ka Ilm Diya Gaya.

=>[Ja Al-Haq Jild.1 Safa.43 ~Mufti Ahmad Yar Khan Naeemi Alehhirrahma]*Post-3*
Masla E Ilm E Gaib Ke Mutallik Ahlesunnat Ka Aqida,

»Ilm E Gaib Se Mutallik Ijmai Masail,

»»Yah'an Huzoor E Pur Noor(Sallallahualehiwasallam) Ke Ilm E Gaib Se Mutallik Chand Zaroori Batain Zahen Naseen Rakhe Ke Musalmano Ka Aqida Is Bare Mai Kya Hai Ye Batain Paise Nazar Rahi To InsaALLAH AJJAWAZAL Koi Gumrah Bahka Na Sakega Chunache
Alahazrat Imam E Ahle Sunnat Shah Imam Ahmad Raza Khan Alehhirrahma Farmate Hai:-

►(1)Be Shak Gair E Khuda Ke Liye Ek Zarrah Ka Ilm Zaati Nahi Is Qadr (Yani Itni Baat) Khud Zarurate Deen Se Hai Aur Is Ka Munkir Kafir Hai.

►(2)Be Shak Gair E Khuda Ka Ilm ALLAH TALA Ki Muamlat Ko Hawi Nahi Ho Sakta Masavi Dar Kinar Tamam Awwaleen Wa Aakhireen Wa Ambiya, Mursaleen,Malaika Wa Muqarrebeen Sab Ke Uloom Mil Kar Uloom E Ilahiya Se Wo Nisbat Naki Rakh Sakte Jo Karo'dha Karo'ar Samundar Se Ek Zara Si Boond Ke Karodhwe Hisse Ko Hai Ke Wo Tamam Samundar Aur Ye Boond Ka Karodhwa Hissa Dono Mutnahi Hai(Yani Un Ki Ek Inteha Hai) Aur Mutnahi Ko Mutnahi Se Nisbat Zaroor Hai Jabke ALLAH TALA Ke Uloom Wo Gair Mutnahi Dar Gair Mutnahi Dar Gair Mutnahi Hai(Yani Un Ki Koi Inteha Hi Nahi) Aur Makhlooq Ke Uloom Agarche Arsh Wa Farsh,Mashrik Wa Magrib,Roz E Awwal Ta Roz E Aakhir Jumla Qaynat Ko Muhit Ho Jaye Fhir Bhi Mutnahi Hai Ke
Arsh Wa Farsh Do Hade Hai,
Roz E Awwal Wa Roz E Aakhir Do Hade Hai,
Aur Jo Kuch Do Hado Ke Andar Ho Sab Mutnahi Hai.

►(3)BilFail Gair Mutnahi Ka Ilm Tafseeli Makhlooq Ko Mil Hi Nahi Sakta Jo Jumla Uloom Khalq Ko Ilm E Ilahi Se Aslan Nisbat Hoti Muhal E Qtai Hai Na Ke MaazALLAH To Ham Musabat.

►(4)Is Per Ijma Hai Ke ALLAH AJJAWAZAL Ke Dene Se Ambiya E Kiram (Alehimussalatowassalam) Ko Kaseer Guyoobo Ka Ilm Hai Ye Bhi Zarurate Deen Se Hai Jo Is Ka Munkir Ho Kafir Hai Ke Sare Se Nawubat Ka Munkir Hai.

►(5)Aur Is Per Bhi Ijma Hai Ke Is Fazl E Jaleel Mai Muhammad Ur RasoolALLAH(Sallallahualehiwasallam) Ka Hissa Tamam Ambiya (Alehissalatowassalam) Wa Tamam Jahano Se At'am Wa Aazam Hai ALLAH AJJAWAZAL Ki Aata Se Habib E Akram(Sallallahualehiwasallam) Ko Itne Guyoobo Ka Ilm Hai Ke Jin Ka Shumar ALLAH AJJAWAZAL Hi Janta Hai.

=>[Khalis Ul Aeteqad Safa.18-19]

Dua Ki Guzarish:-Abdul Mustafa Muhammad Rehan Rida Al-Noori